İran İslam Respublikasının Ermənistandakı Səfirliyi Qarabağda müharibə zamanı Ermənistan silahlı qüvvələrinin əhəmiyyətli bir hissəsinin İran ərazisinə keçməsi ilə bağlı yayılmış məlumatlara münasibət ifadə edib.
"Baki-Baku.az" erməni mediasına istinadən xəbər verir ki, səfirlik müharibədə həlak olmuş erməni əsgərlərinin valideynlərinə başsağlığı verməklə barəbər itkin düşənlərinin doğmalarının və yaxınlarının da vəziyyətinin başa düşülən olduğunu vurğulayıb. Diplomatik missiya bu baxımdan itkin düşənlərlə əlaqədar hər hansı məlumat a malik olmadığını və hansısa bilgi olacağı təqdirdə onu erməni cəmiyyətinə çatdıracağını bildirib.
Səfirlik həmçinin itkin düşmüş hərbçilərin yaxınlarını İranın Ermənistandakı Səfirliyinə birbaşa müraciətdən çəkinməyə və Ermənistanın müvafiq hakimiyyət orqanlarının və diplomatik nümayəndəliklərin köməyilə vəziyyəti izləməyə çağırıb.
