Türkiyə tezliklə NATO-dan çıxacaq, təşkilatın özünü isə artıq dağılmış saymaq olar. "Baki-Baku.az" xəbər verir ki, bu fikri Avrasiya Ölkələri Assosiasiyasının rəhbəri, siyasi ekspert Həsən Çingiz "Lenta.ru"ya açıqlamasında bildirib.
H.Çingiz deyib ki, NATO-nun istifadə müddəti bitib, onun beyin mərkəzi ölüb. Bunu Fransa prezidenti Emmanuel Makron, Almaniya kansleri Angela Merkel də təsdiqləyiblər. NATO-dakılar da yaxşı başa düşürlər ki, müttəfiqlərinin təhlükəsizliklərini təmin edə bilmirlər.
Ekspert eyni zamanda NATO-nun qarşıdakı 2-3 il ərzində çökəcəyini də dilə gətirib. O bildirib ki, tezliklə Rusiya yeni strateji pakt təşkil edəcək və ona Türkiyə də qoşulacaq. Məhz Ankaranın alyansdan uzaqlaşması onun dağılmasını şərtləndirəcək.
Qeyd edək ki, ötən il Fransa prezidenti E.Makron bildirmişdi ki, NATO "beyin ölümü" keçirir. Onun fikrincə, ABŞ Avropadan üz döndərib və köhnə qitənin yuxudan ayılmasının, öz ağırlığını qoymasının vaxtı gəlib çatıb, çünki o, hazırda uçurumun kənarındadır.
