- Daxili siyasət
- 09:37 20.09.2024
Ermənistanın xarici işlər naziri Zöhrab Mnasakanyan istefa verib. "Baki-Baku.az" "news.am"a istinadən xəbər verir ki, nazirliyin mətbuat xidmətinin rəhbəri Anna Naqladyan özünün facebook səhifəsində artıq eks olan nazirin istefa ərizəsini paylaşıb. Məlumata görə, baş nazir Nikol Paşinyam Mnasakanyanın istefasını qəbul edib. Bundan başqa Ermənistan XİN-in xüsusi tapşırıqlar üzrə səfiri Karen Mirzoyan da istefa verib.
Qeyd edək ki, 54 yaşlı Mnasakanyan 2018-ci ilin martından Ermənistanın xarici işlər naziri idi.
Onu da bildiririk ki, bir neçə gün öncə Ermənistan XİN birinci müavini, ölkənin nüfuzlu diplomatlarından sayılan Şavarş Koçaryan da istefa vermişdi.