Bu ölkədə koronavirusa ilk yoluxma faktı qeydə alınıb

Melaneziyadakı Vanuatu arxipelaqında ilk dəfə olaraq koronavirus qeydə alınıb. "Baki-Baku.az" "İnterfaks"a istinədən xəbər verir ki, cırtdan ölkənin Səhiyyə Nazirliyi xəstəliyə yoluxan şəxsin 23 yaşlı gənc olduğunu və onun ABŞ-dan gəldiyini diqqətə çatdırıb. 

Qeyd edək ki, 2020-ci ilin martından Vanuatu pandemiya səbəbindən öz sərhədlərini bağlamışdı. Yalnız bu yaxınlarda aviareyslər vasitəsilə xaricdən vətəndaşların gəlməsinə icazə verilib. 

Onu da deyək ki, Vanuatu Avstraliya yaxınlığında 80 xırda adada yerləşən respublikadır. Ölkənin əhalisi 270 min nəfər təşkil edir.