- Daxili siyasət
- 09:37 20.09.2024
Danışıq aparanların dəyişməsi ilə bu rüsvayçı sənədə dəyişiklik etmək mümkündür. "Baki-Baku.az" xəbər verir ki, bunu televiziya proqramındakı müsahibəsində Ermənistanın "Vətən" Partiyasının rəhbəri Artur Vanesyan bildirib. Sənəd dedikdə isə söhbət Azərbaycan, Ermənistan və Rusiya rəhbərlərinin Dağlıq Qarabağla bağlı imzaladıqları bəyanatdan gedir.
"Biz bütün imkanlardan istifadə edərək çalışmalıyıq ki, bu rüsvayçı sazişi heç olmasa, yaxşılaşdıraq. Mən əminəm ki, bu, baş verəcək. Buna görə də Nikol Paşinyanı və hakim fraksiyanın deputatlarını hakimiyyətdən yapışmamağa, hər şeyi qoyub getməyə, hakimiyyəti belə çətin durumdan hansısa çıxış imkanına malik başqalarına verməyə çağırıram", - deyə Vanesyan vurğulayıb.
Partiya sədri həmçinin müxalif qüvvələrin qarşısnda duran vəzifələr barərə də söz açıb: "Biz baş nazir postuna namizdəlik məsələsini müzakirə etməmişik. Gündəlik budur - Nikol Paşinyanın və Nazirlər Kabinetinin istefası, milli razılıq əsasında hökumətin yenidən formalaşdırılması, sonra qanunvericilikdə müvafiq dəyişikliklər aparmaqla bütün siyasi partiyaların bərabər şəraitdə iştirak edəcəkləri növbədənkənar parlament seçkilərinin keçirilməsi".