- Daxili siyasət
- 09:37 20.09.2024
Ermənistan ərazisində rus helikopteri vurulub. Bu məlumatı "Sputnik Armeniya" İnformasiya Afentliyinin teleqram kanalı özünün etibarlı mənbələrinə istinadən yayıb. "Baki-Baku.az" xəbər verir ki, agentliyin mənbəyi helikopterin Azərbaycanın Naxçıvan şəhəri tərəfdən vurulduğunu və Ermənistan ərazisinə düşdüyünü diqqətə çatdırıb.
Qeyd edək ki, məlumat rəsmi şəkildə təsdiqlənmir.
Onu da deyək ki, Rusiya mediası qeyd etdiyimiz məlumatı Ermənistanın baş naziri Nikol Paşinyanın Dağlıq Qarabağa Rusiya hərbçilərinin yeridilməsinin münaqişənin effektiv həlli üçün əlverişli variant ola biləcəyi fikri ilə yayır. Bu isə onu deməyə əsas verir ki, yayılan məlumat təxribat xarakteri daşıyır. Helikopterin həqiqətən də vurulduğu xəbəri təsdiqlənsə, böyük ehtimalla bu, Ermənistanın özü tərəfindən həyata keçirilib. Rusiya helikopterinin Dağlıq Qarabağ ərazisinə girməsi mümkün olmadığından, görünür, ermənilər onu Naxçıvan üzərində vurublar. Həm də Naxçıvan Rusiya-Türkiyə münasibətlərini qızışdırmaq üçün ideal səbəb kimi düşünülə bilər.