Gürcüstanın eks-prezidenti Mixeil Saakaşvili ölkənin Zuqdidi bölgəsində "Gürcüstan bankı"nın filialının terrorçular tərəfindən ələ keçirilməsini təsəvvürəgəlməz fakt adlandırıb və deyib ki, bunu dövlətin praktiki olaraq məhv edilməsinin təsdiqi adlandırıb. "Baki-Baku.az" xəbər verir ki, M.Saakaşvili özünün facebook səhifəsində məsələyə qiymət verib və bildirib ki, Gürcüstanda dövlət yoxdur.
Eks-prezidentin sözlərinə görə, Zuqdididə Vahid Milli Hərəkat Partiyasının seçkiqabağı aksiyası planlaşdırılırdı və hüquq-mühafizə orqanlarının diqqəti də ora yönəlmişdi. Buna görə cinayətkarlar banka asanlıqla daxil ola bildilər. "Bizim vətəndaşlarımızda sağlamlıq, maliyyə və fiziki baxımdan qorunmadıqlarına dair hiss var və bunu şəxsən İvanişvili edib. Bütün bunlar isə məntiqi nəticəyə varmalıdır. Əks halda belə hallar geniş miqyas alacaq", -deyə o vurğulayıb.
