ABŞ erməniləri "Bayrakdar" pilotsuz uçuş aparatlarının hazırlanmasında Türkiyəni zəruri avadanlıqla təmin edən "Viasat" kompaniyasının qarşısında etiraz mitinq keçiriblər. "Baki-Baku.az" erməni mediasına istinadən xəbər verir ki, etirazçılarla kompaniya rəhbərliyi arasında danışıq olub. Ermənilərin bildirdiklərinə görə, "Viasat" "Bayrakdar"ın hazırlanmasında zəruri olan avadanlığı Türkiyəyə satmayacaq.
Qeyd edək ki, ABŞ erməniləri mitinq zamanı bildiriblər ki, "Bayrakdar" Dağlıq Qarabağda terror məqsədi üçün istifadə edilir. "Viasat" rəhbərliyi isə qeyd edib ki, kompaniya "Bayrakdar"ın bu məqsədlə istifadə edilməsindən xəbərsizdir.
Görünən budur ki, "Viasat" ümumiyyətlə zəruri avadanlıq satır və ondan əldə edilən yekun məhsulun hansı məqsədlə istifadə edildiyi ilə maraqlanmır. Sadəcə indi ermənilər hay-küy qaldırdıqlarına görə, məsələyə önəm veriblər. Məntiqi nəticə isə budur ki, əgər vəziyyət ermənilərin dedikləri kimidirsə, yəni "Viasat" öz avadanlığını Türkiyəyə satmağı dayandırıbsa, bu, gələcəkdə baş tuta bilər. Üstəlik kompaniyanın satışı dayandırdığını ifadə edən rəsmi məktub ünvanlamayıb. Bu isə o deməkdir ki, ABŞ ermənilərinin yalan danışdıqları aydınlaşdırıla bilər.
