- Daxili siyasət
- 09:43 19.09.2024
ABŞ prezidenti Donald Trampın administrasiyası Dağlıq Qarabağ münaqişəsi ilə bağlı nizamlama prosesinə özünün töhfəsini vermək istəyir. "Baki-Baku.az" xəbər verir ki, bu fikri gündəmə Rusiyanın nüfuzlu "Kommersant" nəşri gətirib.
Lakin "Kommersant"ın diqqət çəkdiyi məqam tamam başqadır. Nəşr Azərbaycan Prezidenti İlham Əliyevin və Ermənistanın baş naziri Nikol Paşinyanın TASS-a müsahibələrində münaqişə ilə bağlı danışmaq üçün Moskvaya gəlməyə razılıq vermələri üzərində dayanıb.
Məlumdur ki, Azərbaycanın dövlət başçısı TASS-ın müxbirinin sualına cavab verərkən belə bir dəvətin olmadığını, danışıqlar üçün yalnız Moskvaya deyil, istənilən yerə getməyə hazır olduğunu vurğulamışdı. "Kommersant" iddia edir ki, ölkə rəhbərləri belə bir fikri işlətdikdən sonra Vaşinqton hərəkətə keçib.
Qəzet ABŞ-ın dövlət katibi Mayk Pompeonun Azərbaycanın və Ermənistanın xarici işlər nazirləri ilə müzakirələr təşəbbüsünə toxunaraq bildirir ki, Tramp administrasiyası özünü effektiv sülhməramlı kimi göstərmək niyyətindədir. Konkret desək, "Qarabağ kartı" ABŞ-ın hazırkı dövlət başçısının qarşıdan gələn Prezident seçkilərindəki sülhməramlı imici üçün vacibdir. Ancaq Rusiya nəşri Ağ Evin bu yolla uğur qazanmasının asan olmayacağını da vurğulayıb.