Peskov: Rusiya Azərbaycanın Ermənistana zərbə endirməsi ilə bağlı informasiyaları yoxlayır

"Rusiya hərbçiləri Azərbaycanın Ermənistan ərazisinə zərbə endirməsi ilə bağlı informasiyaların yoxlanılmasında iştirak edirlər". "Baki-Baku.az" "RİA Novosti"yə istinadən xəbər verir ki, bunu Rusiya prezidentinin mətbuat katibi Dmitri Peskov deyib. 

"Siz bilirsiniz ki, nazir Şoyqunun hər iki ölkədəki həmkarları ilə telefon danışığı olub. Bu informasiya öyrənilir və təhlil edilir", deyə Peskov fikrinə aydınlıq gətirib. O həmçinin jurnalistlərin Ermənistan ərazisinə hərbi hücumun Kollektiv Təhlükəsizlik Müqaviləsi Təşkilatının müddəalarının qüvvəyə minməsi kimi dəyərləndirilib-dəyərləndirilməyəcəyi ilə bağlı sualına belə cavab verib: "Gəlin, yoxlamanın nəticələrini gözləyək".