Moskvanın və bütün Rusiyanın patriarxı Kiril Dağlıq Qarabağda əldə olunmuş atəşkəs rejiminin vaxtının uzadılması və bundan münaqişənin siyasi məcraya düşməsi üçün istifadə edilməsinə dair bəyanat yayıb. "Baki-Baku.az" Rusiya mediasına istinadən xəbər verir ki, bəyanatda o, həm bütün Qafqazın şeyxi Hacı Allahşükür Paşazadəyə, həm də erməni katalokosu II Qaryeginə müraciət edərək onları münaqişənin dini müstəviyə keçməməsi naminə səylərini birləşdiməyə çağırıb.
"Rusiyanın vasitəçiliyi ilə Moskvada Azərbaycanın və Ermənistanın xarici işlər nazirləri səviyyəsindəki danışıqları vacib sayıram. Hər iki ölkənin dövlət rəhbərliyinə müraciət edirəm ki, onlar atəşkəsdən məsələni siyasi müstəviyə gətirmək üçün istifadə etsinlər. Hər iki xalqın gələcəyi üçün atəşkəs rejiminin vaxtı uzadılsın və bundan sülh danışıqları üçün istifadə edilsin", - deyə Kirillin bəyanatında vurğulanıb.
