Ermənistan Kollektiv Təhlükəsizlik Müqaviləsi Təşkilatının oktyabrda Belarusda keçiriləcək "Sarsılmaz qardaşlıq - 2020" hərbi təlimlərində iştirak etməyəcək. "Baki-Baku.az" xəbər verir ki, bu barədə məlumatı "RİA Novosti" agentliyi Ermənistanın Müdafiə Nazirliyinə istinadən yayıb.
Məlumatda bildirilir ki, Ermənistanın KTMT-nin hərbi təlimlərində iştirak etməməsinin səbəbi Dağlıq Qarabağda hərbi əməliyyatların intensivləşməsidir.
Ancaq Rusiya daxilindəki bəzi mənbələr bu imtinanın siyasi əhəmiyyət daşıdığını vurğulayırlar. Onların fikrincə, Rusiya Dağlıq Qarabağ münaqişəsində Ermənistana dəstək vermədiyi üçün KTMT-nin hərbi təlimində iştirak etməmək qərarı Müdafiə Nazirliyi deyil, baş nazir Nikol Paşinyanın administrasiyası tərəfindən verilib. Paşinyan belə etməklə Moskvaya etirazını bildirməyə çalışır.
Bəzi siyasi analitiklər isə vurğulayırlar ki, Qərbin adamı olan Paşinyan onsuz da bu addımı atacaqdı. Yəni ona konkret göstəriş gəlib ki, KTMT müstəvisindən kənarda dayan.
