ABŞ-ın Kaliforniya ştatının rəhbərliyi 2035-ci ilədək benzin mühərrikli yük və minik avtomobillərinin satışını qadağan edəcək. Bu barədə məlumatı Reuters agentliyi yayıb.
"Baki-Baku.az" agentliyə istinadən xəbər verir ki, Kaliforniya qubernatoru Qevin Nyusom Birləşmiş Ştatların aparıcı avtomobil bazarlarının tullantıların qarşısını almaq üçün elektromobillərə keçid aldıqlarını söyləyib. Bununla belə o, əhaliyə benzin mühərrikli minik vasitələrindən istifadəyə və onları satmağa qadağa qoyulmayacağını diqqətə çatdırıb. Qubernator digər ştatların da eyni addımı atacağına ümüd bəslədiyini deyib.
Lakin məsələni qəbul etməyənlər də var. Ağ Ev təmsilçisi Cadd Dir hesab edir ki, benzin mükərrikli avtomobillərdən imtina çoxlu sayda işsizin meydana gəlməsinə səbəb olacaq və istehlak xərcləri artıracaq.
Qeyd edək ki, ABŞ-da avtomobil satışının 11 faizi Kaliforniyanın payına düşür.
Onu da deyək ki, məhşur mobil taksi aqreqatoru Uber 2030-cu ilədək Kanada, ABŞ və Avropada yalnız elektromobillərdən istifadəyə hazırlaşır.
