Azərbaycanın olimpiya çempionu: "Övladımın Olimpiya çempionu olmasını istəyirəm, hərçənd..."

“Valideynlərə mütləq qulaq asmaq lazımdır. Valideynlərə isə demək istəyirəm ki, övladlarınızı idmana yazdırın. Öz övladımın da atası kimi Olimpiya çempionu olmasını istəyirəm, hərçənd idmana marağı yoxdur. Ancaq o da bunu istəməlidir, onun yerinə qərar verə bilmərəm. Məni valideynim idmana aparıb, amma mənim yerimə məşq etməyib, əziyyət çəkməyib”.

"Baki-Baku.az" xəbər verir ki, bu fikirləri Azərbaycan Cüdo Federasiyasının vitse-prezidenti, Olimpiya çempionu Elnur Məmmədli Gənclər və İdman Nazirliyinin “Facebook” səhifəsindəki canlı yayımda bildirib.

Qeyd edək ki, E.Məmmədli 2008-ci ildə Pekində keçirilmiş Yay Olimpiya Oyunlarının qalibi olub.