"Qalatasaray"dan Azərbaycana təşəkkür paylaşımı - FOTO

Dünən UEFA Avropa Liqasının II təsnifat mərhələsində Bakıda "Neftçi" ilə qarşılaşmış və 1:3 hesablı qalibiyyət qazanmış İstanbulun "Qalatasaray" futbol klubunun rəsmi facebook səhifəsində Azərbaycana təşəkkür ifadə edilib. "Baki-Baku.az" xəbər verir ki, bununla bağlı paylaşımda "Hər şey üçün təşəkkürlər, yenidən görüşərik AzərbayCAN" fikirləri yer alıb. 

Qeyd edək ki, "Qalatasaraq"ın baş məşqçisi Fatih Terim istər matçdan əvvəlki açıqlamasında, istərsə də oyun sonrası mətbuat konfransında Azərbaycan-Türkiyə dostluğu ilə bağlı dəyərli fikirlər səsləndirmişdi. Oyunun keçirildiyi Bakı Olimpiya stadionu isə ölkələrimiz arasındakı dostluq və qardaşlığın göstəriciləri olan şüarlarla bəzədilmişdi.