“Neftçi” kimi komanda uşaq səhvləri etməməliydi” - baş məşqçi Füzuli Məmmədov

“Məğlubiyyətimizə səbəb buraxdığımız uşaq səhvləri idi. “Neftçi” kimi komanda uşaq səhvləri etməməliydi”. Bunu “Neftçi”-“Qalatasaray” oyunundan sonra ağ-qaraların baş məşqçisi Füzuli Məmmədov matçdan sonra keçirilmiş mətbuat konfransında deyib.

F.Məmmədov həmçinin bildirib ki, rəhbərlik etdiyi komanda “Qalatasaray”ın orta xəttinin özünü rahat hiss etməsinə imkan vermədi və bu, qarşıya qoyulan məqsədlərdən biri idi.

Qeyd edək ki, UEFA Avropa Liqasının II təsnifat mərhələsində Bakıda keçirilmiş "Neftçi"-"Qalatasaray" matçı qonaqların 1:3 hesablı qələbəsiylə başa çatıb. Bununla da komandamız bu mötəbər turnirdə mübarizəni dayandırıb.