Musa Qurbanlı İsveç çempionatının rəmzi komandasına düşüb

Azərbaycan millisinin və “Yurqorden”in futbolçusu Musa Qurbanlı İsveç çempionatında XXI turun rəmzi komandasına düşüb.

“Degerfors”la görüşdə iki qol, bir məhsuldar ötürmə ilə yadda qalan 21 yaşlı forvard ən yaxşı üç hücumçudan biri seçilib.

Onun performansı 8,7 balla qiymətləndirilib.

Qeyd edək ki, “Yurqorden” “Degerfors”u 4:1 hesabı ilə məğlub edib.