Dünya çempionatı: Azərbaycanın üç cüdoçusu finala yüksəlib

Azərbaycanın üç cüdoçusu Xorvatiyanın paytaxtı Zaqrebdə yeniyetmələr arasında keçirilən dünya çempionatında finala yüksəlib.

Oğlanlar arasında Məhəmməd Musayev (60 kiloqram) və Əbil Yusubov (66 kiloqram), qızların mübarizəsində isə Xədicə Qədəşova (52 kiloqram) qızıl medal uğrunda güləşəcək.

Həlledici qarşılaşmalarda Musayev israilli İshaq Aşpizlə, Yusubov polşalı Simon Suliklə, Qədəşova isə fransalı Alisya Pulanjla üz-üzə gələcək.

Qeyd edək ki, medal görüşləri bu gün keçiriləcək.