Kriştianu Ronaldu: "Azarkeşsiz oynamaq sirkə getmək və orada klounları görməmək kimi bir şeydir"

Azarkeşsiz oynamaq sirkə getmək və orada klounları görməmək kimi bir şeydir. Bu fikri futbol üzrə Portuqaliya yığmasının, və Turin "Yuventus"unun forvardı Kriştianu Ronaldu İsveçlə 2-0 hesabı ilə başa çatmış səfər oyunu qalibiyyətindən sonra deyib. "Bakı-Baku.az" xarici kütləvi informasiya vasitələrinə istinadən xəbər verir ki, Ronaldu açıqlamasında azarkeşlərin onu fitə basmasının onun üçün motivasiya olduğunu da dilə gətirib. 

Qeyd edək ki, UEFA Millətlər Liqası çərçivəsində İsveçlə səfər oyununda hər iki qolun sahibi olan dünya şöhrətli futbolçu milli komandasının tərkibində 100-cü qolunu vurub.