Lionel Messi PSJ-də ildə 35 milyon avro qazanacaq

Lionel Messi PSJ ilə hərtərəfli anlaşıb.

Apasport.az xəbər verir ki, bu iddia ilə italiyalı jurnalist Fabritsio Romano çıxış edib.

Onun sözlərinə görə, “Barselona”dan ayrılan 34 yaşlı superulduz Paris təmsilçisi ilə 2+1 illik müqaviləni razılaşdırıb. Argentina millisinin kapitanının illik məvacibi 35 milyon avro təşkil edəcək. Futbolçunun yaxın saatlarda Parisə yollanması gözlənilir.

Qeyd edək ki, Messi “Barselona” ilə müqavilə müddəti bitdiyi üçün PSJ-yə azad agent kimi keçir.