USD/AZN
1.7
EUR/AZN
2.008
RUB/AZN
0.0228
TRY/AZN
0.2304
Bakı:
12°C
Turan Bank

Qurban Qurbanov: "Böyük klublara qarşı neytral meydanda oynamaq o qədər də asan deyil"


  • İdman
  •  13:27 21.10.2020
  •  348
https://img.baki-baku.az/news/2020/10/photo_1494.jpg

"Qarabağ"ın baş məşqçisi Qurban Qurbanovun UEFA Avropa Liqasının I qrupunda ilk turun İsrailin "Makkabi" (Təl-Əviv) komandası ilə səfər oyunu öncəsi Heydər Əliyev Beynəlxalq Aeroportunda "Report"a müsahibəsi

- İsrailə hansı əhval-ruhiyyədə yollanırsınız?

- Şükürlər olsun, hər gün cəbhədən şad xəbərlər alırıq. Cənab Prezidentin özü açıqladıqda isə tam əminlik yaranır. Arxayın oluruq ki, bu şəhərlər, rayonlar götürülüb. Dünən Zəngilən şəhərinin işğaldan tam azad olunması bizim üçün sevindiricidir. Bu, azərbaycanlı kimi hamımıza əlavə güc, inam verir. Hər gün bu cür xəbərlər gözləyirik.

- UEFA İcraiyyə Komitəsinin qərarına əsasən, "Qarabağ" qrupdakı ev oyunlarını neytral meydanda keçirəcək. Bu qərara münasibətiniz necədir və rəqiblərinizi hansı ölkədə qəbul etmək istəyirsiniz?

- Açığı, hələ planda bir şey yoxdur. Dünən gecə qərarı 2 dəfə dəyişdilər. Əvvəl yazmışdılar ki, alternativ variant da ola bilər. Amma sonradan matçın tam neytral meydanda keçiriləcəyini yazdılar. Bunun üçün 3 ölkəni göstəriblər: Kipr, Macarıstan və Polşa. Əfsuslar olsun ki, yenə bizi Azərbaycandan kənara atdılar. Bunu arzulamazdım. Sadəcə, heç birimiz heç nə əldə edə bilmədik ki, niyə belə etdilər? Ölkədə çempionat davam edirsə, niyə neytral meydanda oynamalıyıq? Düzü, bu qərar mənə çatmadı. İllərdir əziyyət çəkirik ki, qrupda oynayaq, böyük komandalar Azərbaycana gəlsin və bizim mentalitetimizi görsün, tanış olsunlar. Xüsusilə də belə bir zamanda bu, vacibdir. Təəssüf ki, buna nail ola bilmədik. Həm klub, həm də federasiya olaraq, UEFA-ya təsir göstərə bilmədik. Ümumiyyətlə, kluba heç bir məlumat verilmədi. "Legiya" ilə pley-off oyunu neytral meydana salınanda ən azı klubla əlaqə saxlayırdılar. Hər gün yazırdılar, fikir mübadiləsi aparırdıq. Amma bu dəfə kluba heç nə bildirmədilər. Birdən dedilər ki, UEFA belə qərar qəbul edib. Biz həmişə Azərbaycanın mədəniyyətini qoruyub-saxlamışıq. Daxildə reaksiya versək də, qərarları normal qarşılamışıq. Yenə də əlimizdən gələnin ən yaxşısını etməyə çalışacağıq. Bəzən belə şeylər bizə motivasiya verir. Amma böyük klublara qarşı neytral meydanda oynamaq o qədər də asan deyil. Hələ ki, bir oyunun Bakıda olmayacağını deyiblər. Amma digərlərinin də burada keçirilməsinə icazə verəcəklərinə inanmıram. Bizim üçün həddindən artıq çətin mövsüm olacaq. Bundan sonrakı qərarları gözləyəcəyik.




Redaktorun seçimi

Maskalar yırtılır, paktlar üzə çıxır
  • Daxili siyasət
  • 09:47 28.03.2024
Maskalar yırtılır, paktlar üzə çıxır
Rasmussen Ermənistana yağlı vədlər verir
  • Daxili siyasət
  • 09:44 28.03.2024
Rasmussen Ermənistana yağlı vədlər verir
Putinin seçki qələbəsi
  • Daxili siyasət
  • 10:05 19.03.2024
Putinin seçki qələbəsi
Dünya qlobal iqlim fəlakəti astanasında
  • Daxili siyasət
  • 10:04 19.03.2024
Dünya qlobal iqlim fəlakəti astanasında
Avropa Parlamentinin qərəz marafonu
  • Daxili siyasət
  • 10:06 18.03.2024
Avropa Parlamentinin qərəz marafonu

İdman