Avropa çempionatı: Azərbaycan güləş millisi komanda hesabında üçüncü olub

Azərbaycanın yunan-Roma güləşi üzrə milli komandası Serbiyada keçirilən 20 yaşlılar arasında Avropa çempionatında üçüncü olub.

Azərbaycan Güləş Federasiyasından verilən məlumata görə, yığma yarışda 4 medal qazanıb.

İsmayıl Rzayev (82 kiloqram) gümüş, Tural Əhmədov (60 kiloqram), Məhəmməd Şükürzadə (63 kiloqram) və Ruslan Nurullayev (72 kiloqram) isə bürünc medal əldə ediblər.

Yekunda 93 xal toplayan yığmamız komanda hesabında 3-cü yeri tutub. Türkiyə (123 xal) birinci, Gürcüstan (116 xal) isə ikinci olub.