- Daxili siyasət
- 12:40 07.09.2024
Yunanıstanın Saloniki şəhərində 15 və 17 yaşlı yeniyetmələr arasında keçirilən Avropa çempionatında Azərbaycanın daha bir ağırlıqqaldıranı 3 medal qazanıb.
Muhəmmədəli Məmmədzadə yaşı 15-ə qədər olan atletlər arasında 96 kiloqram çəki dərəcəsində birdən qaldırma hərəkətində 120 kiloqramı ram edərək bürünc medala layiq görülüb. Təkanla qaldırmada 146 kiloqramı başı üzərinə qaldıran idmançı bu hərəkətdə gümüş mükafat əldə edib.
M. Məmmədzadə toplam 266 kiloqram (120+146) nəticə ilə yekun sıralamada isə 3-cü olub.
Qeyd edək ki, Avropa çempionatında 38 ölkədən 415 (198 qız + 217 oğlan) atlet qüvvəsini sınayır.
Leyla QURBANOVA
XQ