Azərbaycan Üzgüçülük Federasiyasına yeni vitse-prezident seçilib

Azərbaycan Üzgüçülük Federasiyasına (AÜF) yeni vitse-prezident seçilib.

Qurumun mətbuat xidmətindən  verilən məlumata görə, bu vəzifə Tamerlan Abdullazadəyə həvalə olunub.

Qərar AÜF-nin İcraiyyə Komitəsinin son iclasında qəbul edilib. Müzakirələrdən sonra komitə üzvləri T. Abdullazadənin namizədliyini yekdilliklə dəstəkləyiblər.

O, son olaraq Azərbaycan Üzgüçülük Federasiyasının baş katibinin müavini vəzifəsində çalışıb.

İclasda, həmçinin 2024-cü ilin fəaliyyət planı, keçirilən yarışlar, yerli və beynəlxalq turnirlərdə idmançıların iştirakı müzakirə olunub.