Pandemiya dövründə azarkeşli stadionda keçiriləcək ilk oyun "Bavariya"-"Sevilya"

Pandemiya dövründə ilk dəfə bir avrokubok matçı azarkeşlərin iştirakı ilə keçiriləcək. Söhbət UEFA Superkuboku uğrunda Münhenin "Bayern" ("Bavariya") klubu ilə İspaniya "Seviliya"sı arasındakı bu gün Macarıstanın paytaxtı Budapeştdə keçiriləcək oyundan gedir.

Budapeştin "Ferents Puşkaş" stadionunda keçiriləcək qarşılaşma Bakı vaxtı ilə saat 23:00-da start götürəcək. Stadiona azarkeşlərin yalnız 30 faizi buraxılacaq. Matçın baş hakimi ingiltərəli Entoni Teylor olacaq.

Qeyd edək ki, "Bavariya" Çempionlar Liqasında 2019/2020 mövsümünün qalibi, "Sevilya" isə Avroliqanın son qalibidir. Bu komandalar arasındakı bir oyun UEFA Superkubokunun qalibini müəyyənləşdirir.