Metro da həftəsonu işləməyəcək

Xüsusi karantin rejimi çərçivəsində həftəsonu Bakı metrosu sərnişindaşıma fəaliyyəti göstərməyəcək.

“Bakı Metropoliteni” QSC-dən AZƏRTAC-a bildirilib ki, Azərbaycan Respublikası Nazirlər Kabinetinin 2020-ci il 12 sentyabr tarixli “Xüsusi karantin rejimi ilə bağlı əlavə tədbirlər barədə” Qərarının 1.2.5 bəndinə uyğun olaraq, sentyabrın 19-u saat 00:00-dan sentyabrın 21-i saat 06:00-dək Bakı Metropolitenində sərnişindaşıma fəaliyyəti dayandırılır.

Qeyd edək ki, xüsusi karantin rejimi ilə əlaqədar digər ictimai nəqliyyat vasitələri də artıq neçə müddətdir həftəsonlarında fəaliyyət göstərmir. Bu, koronavirusa yoluxma sayının artmaması üçün həyata keçirilmiş tədbirdir.