Ötən ay uşaqlara ən çox hansı adlar qoyulub?

Avqust ayında uşaqlara ən çox qoyulan adlar açıqlanıb.

Ədliyyə Nazirliyindən APA-nın sorğusuna cavab olaraq bildirilib ki, avqust ayında doğumu qeydə alınmış kişi cinsindən olan körpələrə daha çox Əli, Yusif, Uğur, Hüseyn və Məhəmməd, qadın cinsindən olanlara isə Zəhra, Məryəm, Zeynəb, Mələk və Fatimə kimi adların verilməsi üstünlük təşkil edib.

Azərbaycan adlarının mənşəyi, onların izahlı şərhi, habelə statistik göstəricilər barədə məlumatlar “Elektron Hökümət” portalı (www.e-gov.az) və Ədliyyə Nazirliyinin internet səhifəsinin “Dövlət xidmətləri” bölməsindən “Azərbaycan adları barədə məlumatın verilməsi” elektron xidmət vasitəsi ilə əldə oluna bilər.