Bu ilin iyun ayında dünyada ərzaq qiymətlərində son 12 ay ərzində ilk dəfə azalma qeydə alınıb.
"APA-Economics"in məlumatına görə, bu barədə BMT-nin Ərzaq və Kənd Təsərrüfatı Təşkilatının (FAO) proqnozunda deyilir.
FAO-nun qida qiymətləri indeksi 2021-ci ilin iyun ayında orta hesabla may ayına nisbətən 2,5% azalaraq 124,6 bənd təşkil edib, lakin keçən ilin eyni dövrünə nisbətən 33,9% artıb. İyun ayında sözügedən indeks 12 ay davamlı artımdan sonra ilk dəfə enib.
Bu indeks ən çox satılan qida məhsullarının beynəlxalq qiymətlərindəki dəyişiklikləri izləmək üçün istifadə olunur. İyun ayındakı enmə bitki yağları, taxıl məhsulları və az miqdarda süd məhsulları qiymətlərinin azalması ilə izah olunur ki, bu da ət və şəkər üçün kotirovkaların artımından daha çoxdur.
FAO-nun bitki yağlarının qiymətlərinin indeksi yanvar ayında 9,8% azalaraq 4 ayın ən aşağı səviyyəsinə çatıb. Əvvəlki aya nisbətən bu əhəmiyyətli azalma əsasən palma, soya və günəbaxan yağlarının beynəlxalq qiymətlərinin aşağı düşməsi ilə əlaqələndirilir.
FAO-nun taxıl qiymətləri indeksi may ayına nisbətən 2,6% azalıb, lakin 2020-ci ilin müvafiq dövrü üçün olan dəyərindən 33,8% daha yüksəkdir.
