Dalğalar azalan kimi Xəzərdə palçıq vulkanı baş vermiş əraziyə çıxılacaq

Fövqəladə Hallar Nazirliyi ötən gün axşam saatlarında Xəzər dənizində palçıq vulkanının baş verdiyi ərazinin görüntülərini paylaşıb.

APA-nın məlumatına görə, görüntülər də təsdiq edir ki, hadisə təbii vulkan püskürməsidir, texnogen xarakterli deyil.

Dövlət orqanlarından bildirilib ki, hazırda hava küləklidir və güclü dalğalar gəmilərin sahilə yaxınlaşmasına imkan vermir. Dalğalar azalan kimi gəmilər də əraziyə çıxacaq.

Daşlı palçıq vulkan nəticəsində yaranmış adadır. Salyan və Neftçala arasında sahildən 30 km məsafədə yerləşir.