Zəhra, Zeynəb, Məryəm, Aylin, Yusif, Əli, Uğur, Hüseyn, Məhəmməd - Ötən il körpələrərə verilən adlar

Ötən il körpələrə ən çox verilən adlar açıqlanıb. 

APA-nın məlumatına görə, Ədliyyə Nazirliyinin 2020-ci il fəaliyyətinə həsr olunan mətbuat konfransında Nazirliyin Vətəndaşlıq vəziyyəti aktlarının reyestri xidmətinin rəisi Reyhanə Kərimova bildirib ki, ötən il doğumu qeydə alınan kişi cinsindən olan körpələrə ən çox Yusif, Əli, Uğur, Hüseyn və Məhəmməd adı qoyulub. Ötən il körpələrə ən çox verilən qız adları isə Zəhra, Zeynəb, Məryəm, Aylin və Mələk olub.