Azərbaycan ilə Tacikistan arasında elm və təhsil sahələrində əməkdaşlıq perspektivləri müzakirə edilib

Oktyabrın 6-da elm və təhsil naziri Emin Əmrullayev Tacikistan Respublikasının ölkəmizdə yeni təyin olunmuş fövqəladə və səlahiyyətli səfiri İlhom Abdurahmon ilə görüşüb.

Elm və Təhsil Nazirliyindən bildirilib ki, görüşdə Azərbaycan və Tacikistan arasında elm və təhsil sahələrində əlaqələrin cari vəziyyəti, həmçinin gələcək əməkdaşlıq perspektivləri müzakirə edilib.