Qubadlı Rayon Xıdırlı kənd tam orta məktəbinin tərkibində fəaliyyət göstərən şagirdlərdən ibarət "Heydər Əliyev Akademiyası"nın təşkilatçıliğı ilə Sumqayıt şəhəri Heydər Əliyev Mərkəzində Ümummilli Lider Heydər Əliyevin anım günü münasibəti ilə sərgi təşkil edilmişdir.
Sərgidə sözügedən Xıdırlı kənd tam orta məktəbinin direktoru Savalan İmanov, Mərkəzin direktoru Vüsalə Qurbanova, Qubadlı Rayon Təhsil Şöbəsinin aparıcı məsləhətçisi Məmmədova Nərmin, Qubadlı Rayon Mərkəzləşmiş Kitabxana Sisteminin direktoru Müşgunaz Murarova, rayonun Kavdadıq kənd tam orta məktəbinin direktoru Alimə Bayramova, Uşaq Birliyi Rəhbəri Elnurə Sadıqlı, məktəbin müəllim və şagird heyətindən bir qrup və həmkar təşkilatlardan olan qonaqlar iştirak etmişlər.
Toplantıda Ulu öndər Heydər Əliyevin Azərbaycanın tarixindəki əvəzssiz rolu, onun müstəqil respublikada dövlətçilik ruhu və əzminin formalaşmasında qətiyyət və prinsipiallığı, Vətənimizin tərəqqisindəki və inkişaf edərək dünya dövlətləri sırasında özünə layiqli yer tutmasından bəşəri missiyası ətrafında geniş fikir mübadiləsi aparılıb. Çıxış edənlər Heydər Əliyev irsinin gələcək nəsillərə miras mahiyyətinin təbliğ edilməsinin zəruruliyini əsaslandırıblar.
Rəsmi hissədən sonra qonaqlar və tədbir iştirakçıları şagirlərin əl işləri ilə tanış olublar.
