AMEA-nın Arxeologiya və Etnoqrafiya İnstitutunun adı dəyişdirilib

Azərbaycan Milli Elmlər Akademiyasının Arxeologiya və Etnoqrafiya İnstitutunun adının dəyişdirilib.

APA-nın məlumatına görə, bununla bağlı Baş nazir Əli Əsədov qərar imzalayıb.

Azərbaycan Milli Elmlər Akademiyasının təklifinə əsasən, AMEA-nın Arxeologiya və Etnoqrafiya İnstitutu Arxeologiya, Etnoqrafiya və Antropologiya İnstitutu adlandırılacaq.

Azərbaycan Milli Elmlər Akademiyası bu Qərardan irəli gələn məsələləri həll edəcək.

Analoji dəyişiklik Azərbaycan Milli Elmlər Akademiyasının strukturunda da edilib.