Mart ayında 20 min nəfər Məktəbəqədər və Ümumi Təhsil üzrə Dövlət Agentliyinə müraciət edib

Məktəbəqədər və Ümumi Təhsil üzrə Dövlət Agentliyinə mart ayı ərzində daxil olan müraciətlərin statistikası açıqlanıb.

Agentlikdən  bildirilib ki, mart ayında ümumilikdə 19 min 996 müraciət daxil olub.

Hər bir müraciətə fərdi qaydada yanaşılıb, sorğuların qanunvericiliyə uyğun formada həlli üçün müvafiq addımlar atılıb.

Müraciətlərin 11 min 765-i Çağrı Mərkəzi, 4 min 683-ü elektron poçt ünvanına gəlib. 1050 sənəd qəbul edilib, 2 min 498 vətəndaş isə qəbulda iştirak edib.