Bakı Mühəndislik Universiteti bakalavr pilləsi üzrə qəbul olan abituriyentlərin onlayn qeydiyyatına start verib

Bu gündən etibarən Bakı Mühəndislik Universitetinə (BMU) 2020/2021-ci tədris ilində bakalavr pilləsi üzrə qəbul olan abituriyentlərin qeydiyyatına start verilib. Ölkədəki sanitar-epidemioloji vəziyyət nəzərə alınaraq qeydiyyat onlayn formada həyata keçirilir.

Abituriyentlər 25 sentyabr 2020-ci il tarixindən 7 oktyabr 2020-ci il tarixinədək onlayn qeydiyyatdan keçməlidirlər.

Onlayn qeydiyyatın aparılması üçün məlumat, tələb olunan sənədlərin siyahısı və əlaqə vasitələri BMU-nun ( www.beu.edu.az) saytında yerləşdirilib.

Müəyyən olunmuş müddətdə abituriyentin qeydiyyatdan keçməməsi müvafiq ixtisasa yerləşdirilmədən imtina etməsi kimi qiymətləndiriləcək.