Ceyhun Bayramov: Zəngəzur dəhlizi beynəlxalq nəqliyyat əlaqələrinin genişlənməsinə xidmət edəcək

Zəngəzur dəhlizinin açılması beynəlxalq nəqliyyat əlaqələrinin genişlənməsinə xidmət edəcək.

APA xəbər verir ki, bunu xarici işlər naziri Ceyhun Bayramov Daşkənddə Özbəkistan və Türkiyə XİN başçıları ilə üçtərəfli görüşündən sonra mətbuata birgə açıqlamasında deyib.

“Biz əminik ki, Azərbaycanın işğaldan azad edilmiş ərazilərinin canlandırılması, Zəngəzur dəhlizi də daxil olmaqla, regiondakı bütün nəqliyyat dəhlizlərinin açılması beynəlxalq nəqliyyat əlaqələrinin genişlənməsinə xidmət edəcək”, - XİN rəhbəri əlavə edib.