ABŞ Dövlət Departamentindən Azərbaycanla Aİ arasında enerji sahəsi üzrə memoranduma MÜNASİBƏT

"Biz enerji təhlükəsizliyi məsələsində Aİ müttəfiqlərimizlə, regiondakı digər tərəfdaşlarla, o cümlədən Azərbaycanla çox sıx əməkdaşlıq edirik".

APA xəbər verir ki, bunu ABŞ Dövlət Departamentinin sözçüsü Ned Prays deyib.

"Biz bu müddət ərzində sabit qlobal enerji təchizatı görmək istəyirik. Bu, ABŞ-Aİ işçi qrupumuzun çox yaxından işlədiyi, əməkdaşlıq etdiyi bir mövzudur. Bu, bizim dünyanın bir sıra ölkələri, o cümlədən Azərbaycanla ikitərəfli şəkildə çox sıx əməkdaşlıq etdiyimiz bir sahədir", - Ned Prays qeyd edib.