Litva Prezidentinin Azərbaycana və Ermənistana səfər proqramı açıqlanıb

Litva Prezidenti Qitanas Nauseda 18-20 may tarixlərində Azərbaycan və Ermənistana səfər edəcək.

APA xəbər verir ki, bu barədə bu gün Litva liderinin mətbuat xidməti məlumat yayıb.

• Hikmət Hacıyev: “Minsk qrupunun hər hansı mandat daşıyıcı funksiyası yoxdur”
• İren Kalin: "İsveçrə Azərbaycanla Ermənistan arasında sülh danışıqlarına dəstək verməyə hazırdır"
• Azərbaycanın Kiyevdəki səfirliyi fəaliyyətini bərpa edib

Bildirilib ki, o, səfər çərçivəsində Azərbaycan və Ermənistan prezidentləri ilə görüşəcək.

Qitanas Nauseda Avropa İttifaqı ilə münasibətlərin, o cümlədən Şərq Tərəfdaşlığı çərçivəsində əməkdaşlığın perspektivlərinə və beynəlxalq gündəmdə bir sıra məsələlərə dair müzakirələr aparacaq.

Litva dövlət başçısı Cənubi Qafqaz regionunda təhlükəsizlik, ikitərəfli ticari-iqtisadi əməkdaşlığın vəziyyəti və enerji sektoru üzrə fikir mübadiləsi aparacaq.

Qitanas Nausedanın Azərbaycanın Baş naziri Əli Əsədov və Ermənistanın Baş naziri Nikol Paşinyanla da görüşləri nəzərdə tutulub.