Sərhəd Komissiyası və sülh müqaviləsi hazırlayacaq işçi qrupunun görüşünə dair razılıq - Azərbaycan və Ermənistan XİN rəhbərləri telefonla danışıb

Azərbaycan və Ermənistan Birgə Sərhəd Komissiyasının iştirakçılarının parametrləri barədə razılığa gəliblər. Razılıq Azərbaycan Respublikasının xarici işlər naziri Ceyhun Bayramov ilə Ermənistan Respublikasının xarici işlər naziri Ararat Mirzoyan arasında telefon danışığı zamanı əldə olunub.

APA xəbər verir ki, nazirlər Birgə Sərhəd Komissiyasının, habelə sülh müqaviləsinin işlənib hazırlanması ilə bağlı işçi qrupunun görüşlərinin yaxın zamanlarda təşkil olunmasını razılaşdırıblar.

Tərəflər, həmçinin humanitar sahədə addımların davam etdirilməsi ilə bağlı fikir mübadiləsi aparıblar.