- Daxili siyasət
- 10:15 25.09.2024
Ermənistan Rusiya qazının pulunu rublla ödəməyə başlayıb. "Baki-Baku.az" “Armenpress”ə istinadən xəbər verir ki, bu barədə RBC telekanalına ölkənin iqtisadiyyat naziri Vaan Kerobyan deyib.
“Biz milli valyutalara doğru hərəkət etməliyik. Rusiya tərəfində bu istiqamətdə irəliləyiş var”, - deyə o əlavə edib. V.Kerobyanın sözlərinə görə, son bir neçə ödəniş rublla olub, lakin müvafiq məzənnə ilə. Onun sözlərinə görə, qiymətlər dollarla hesablanır, lakin ödəniş rublla həyata keçirilir.
Qeyd edək ki, erməni nazirin sözlərini “Qazprom”un rəsmi nümayəndəsi Sergey Kupriyanov da təsdiqləyib. “Həqiqətən də, bir neçə ildir ki, Ermənistana qaz tədarükü üzrə “Qazprom” müqaviləsi qazın pulunu rublla ödəməyə imkan verir və indi bu imkandan istifadə olunur”, deyə Kupriyanov bildirib.