- Daxili siyasət
- 10:15 25.09.2024
"Amerika Birləşmiş Ştatları Ermənistan və Azərbaycan arasında gələcək sülh danışıqlarını təşviq edir və uzunmüddətli, hərtərəfli sülhün qurulması üçün köməkyə hazırdır". "Baki-Baku.az" xarici mediaya istinadən xəbər verir ki, bunu ABŞ Dövlət Departamentinin sözçüsü Ned Prays gündəlik brifinqdə jurnalistlərin suallarını cavablandırarkən deyib.
“Biz Cənubi Qafqazda dinc, demokratik və firavan gələcəyin təşviqinə sadiq qalırıq. Katib Blinkenin mesajlarından bildiyiniz kimi, aprelin 6-da Ermənistanın baş naziri Paşinyan ilə Azərbaycan prezidenti Əliyev arasında Brüsseldə keçirilmiş görüşü, o cümlədən sülh danışıqlarının hazırlanmasında və ikitərəfli delimitasiya komissiyasının yaradılmasında müsbət irəliləyişi alqışlayırıq. Dövlət katibinin ötən gün iki liderlə telefon danışığında vurğuladığı kimi, biz Ermənistan və Azərbaycan arasında gələcək sülh danışıqlarını təşviq edirik. Dövlət katibi təsdiq edib ki, Birləşmiş Ştatlar tərəfdaşları ilə birlikdə ölkələrə əldə edilən nailiyyətlərə kömək etmək üçün ikitərəfli formatda və həmfikir həmkarları ilə, o cümlədən ATƏT-in Minsk Qrupunun həmsədri kimi danışıqlarda iştirak etməyə hazırdır", - deyə Dövlət Departamentinin sözçüsü bildirib.