Ermənistan XİN: Xüsusi nümayəndələrin görüşünün vaxtı dəqiqləşdirilir

Türkiyə və Ermənistanın xüsusi nümayəndələri Ruben Rubinyan və Serdar Kılıç öncədən əldə olunan razılaşmaya əsasən, iki ölkənin münasibətlərinin normallaşdırılması üçün Vyanada görüş keçirəcək.

APA Armenpress agentliyinə istinadən xəbər verir ki, bu barədə Ermənistan XİN mətbuat katibi Vaan Unanyan açıqlama verib.

Unanyan görüşün tarixinin hələ dəqiqləşdirildiyini əlavə edib.

Xatırladaq ki, iki ölkənin xüsusi nümayəndələri arasında ilk görüş yanvarın 14-də Moskvada, ikinci görüş isə fevralın 24-də Vyanada baş tutub.