Erməni spiker: “Azərbaycanın münasibətlərin normallaşması üçün yeni təklifi məqbuldur”

Rəsmən bəyan edirəm ki, Ermənistan üçün bu beş maddə məqbuldur.

APA RİA “Novosti”yə istinadən xəbər verir ki, bu barədə Ermənistan parlamentinin sədri Alen Simonyan Almatı şəhərində MDB Parlament Assambleyasının (PA) Şura iclasında bildirib.

"Hesab edirik ki, əgər bir neçə aspektləri əlavə etsək, biz bu işi həyata keçirməyə başlaya bilərik”, - Simonyan Azərbaycan Milli Məclisinin sədri Sahibə Qafarovanın Azərbaycanın münasibətlərin normallaşması üçün Ermənistana 5 maddəlik yeni təklif təqdim etməsinə cavabında deyib.

Xatırladaq ki, Azərbaycanın xarici işlər naziri Ceyhun BayramovAntalya Diplomatiya Forumu çərçivəsində Azərbaycanın Ermənistana münasibətlərin normallaşmasına dair 5 maddədən ibarət sənəd göndərdiyini və cavab gözlədiklərini bildirib.