Gürcüstan Prezidenti ölkə konstitusiyanı pozub?

Gürcüstanın hakim "Gürcü Arzusu" partiyası Prezident Salome Zurabişvilini beynəlxalq səfərləri ilə əlaqədar konstitusiyanı pozmaqda ittiham edib.

APA-nın yerli bürosunun xəbərinə görə, bu barədə partiyanın Siyasi Şurasının bəyanatında qeyd olunub.

Bildirilib ki, Prezident beynəlxalq müzakirələri yalnız Gürcüstan hökumətinin icazəsi ilə apara bilər, lakin Zurabişvili ötən gün bu qaydanı pozduğunu ötən gün Parlamentdə çıxışı zamanı etiraf edib.

"Bu səfərlər hökumətlə məsləhətləşmədən Prezidentin özü tərəfindən planlaşdırılıb və hökumət yalnız sonradan məlumatlandırılıb, bu Prezidentin konstitusiyanı qəsdən pozduğunu təsdiqləyir",- deyə bəyanatda bildirilib.

Qeyd olunub ki, partiya yaxın günlərdə məsələ ilə əlaqədar Konstitusiya Məhkəməsinə müraciət edəcək.