Mixeil Saakaşvili əfv edilməyəcək

Gürcüstan Prezidenti Salome Zurabişvili həbsdə olan sabiq Prezident Mixeil Saakaşvilini əfv etməyəcək.

APA-nın xəbərinə görə, bu barədə S.Zurabişvili parlamentdə çıxışı zamanı deyib.

Bildirib ki, məsələ ilə bağlı mövqeyini daha əvvəl açıqlayıb və mövzunun müzakirəsinə bir də qayıtmaq niyyətində deyil.

“Kimdən gəlməsindən asılı olmayaraq, mən Saakaşvilinin əfvi məsələsinin təkrar müzakirəsinə daxil olmayacam, çünki cavab artıq bir dəfə verilib”, - deyə Zurabişvili bildirib.

Prezident qeyd edib ki, məsələnin Ukraynadakı müharibə fonunda ortaya çıxması yalnız daxili qütbləşməni artırmağa xidmət edir.