Ermənistanla normallaşma addımları Azərbaycanın razılığı ilə atılır

Türkiyə Ermənistanla normallaşma prosesində bir daha sülh və diplomatiyanın tərəfdarı olduğunu nümayiş etdirdi.

APA-nın yerli bürosunun xəbərinə görə, bunu hakim Ədalət və İnkişaf Partiyasının sözçüsü Ömər Çelik deyib.

O, qeyd edib ki, Ermənistanla uçuşlar bərpa olunur, amma bu nöqtəyə gəlib çıxmaq üçün uzun bir yol qət edilib.

Çelik, həmçinin, əlavə edib ki, Vətən Müharibəsi bu normallaşmanın baş verməsi və bölgədəki sülh üçün bir fürsət yaradıb:

“Bu normallaşma addımları Azərbaycanın razılığı ilə atılır”, - deyə Çelik qeyd edib.