Ermənilərin Qarabağa köçürülməsinin 150 illiyi ilə bağlı xatirə medallarının şəkilləri paylaşılıb - FAKT

Milli Məclisin Xankəndi şəhərindən olan deputatı Tural Gəncəliyev ermənilərin Azərbaycanın Qarabağ bölgəsində ilk dəfə məskunlaşmasının 150 illiyinə həsr olunmuş xatirə medallarının fotosunu paylaşıb.

APA-nın xəbərinə görə, Tural Gəncəliyev bununla bağlı "Twitter" hesabında paylaşım edib.

"Bu medallar Rusiya və İran arasında nizamlanma prosesinin - Türkmənçay müqaviləsinin 150 illiyi ilə əlaqədar 1978-ci ildə buraxılıb", - deyə o, paylaşımında yazıb.

Bütün bunlar onu deməyə əsas verir ki, ermənilərin Qarabağın onlara məxsusluğu ilə bağlı bildirdikləri ağ yalandır və onların bölgədə yaşamalarının tarixi qədim deyil.