"Hərəkət demək olar, tam hazır olan Kapan-Aqvani-Tatev yolu ilə aparılacaq". "Baki-Baku.az" xəbər verir ki, bunu Ermənistanın baş naziri Nikol Paşinyan hökumətin iclasında Gorus-Qafan yolunun Azərbaycanın nəzarətinə keçməsindən sonra yaranmış duruma münasibət bildirərkən deyib.
N.Paşinyan bildirib ki, Azərbaycan Gorus-Qafan avtomobil yolunda gömrük nəzarəti yaratmaq istəyir, ona görə də Ermənistan yeni yola keçəcək.
Bir gün əvvəl Azərbaycan tərəfindən qeyri-rəsmi məlumat daxil olub ki, noyabrın 11-i gecə yarısından etibarən Ermənistandan gələn yük maşınları və sərnişinlər üçün gömrük və pasport nəzarəti həyata keçirməyə hazırlaşırlar - eynilə avqust ayından İrandan gələn yük maşınlarına münasibətdə olduğu kimi.
Paşinyan eyni zamanda bu ifadəni işlədib: “Azərbaycan öz ərazisindəki Eyvazlı-Çayzəmi hissəsində gömrük nəzarəti qurmaq istəyir”.
