- Daxili siyasət
- 09:59 25.04.2024
"Ermənistan ATƏT-in Minsk Qrupu həmsədrləri çərçivəsində Qarabağ münaqişəsinin tanınmış prinsiplər və elementlər əsasında sülh yolu ilə həllinin bütün prosesini bərpa etməyə hazırdır". "Baki-Baku.az" "Armenpress"ə istinadən xəbər verir ki, bunu İrəvanda səfərdə olan Çex Respublikasının xarici işlər naziri ilə birgə bəyanat verərkən Ermənistanın xarici işlər naziri Ararat Mirzoyan deyib.
A.Mirzoyan sentyabrın 24-də Nyu-Yorkda ATƏT-in Minsk qrupunun həmsədrlərinin vasitəçiliyi ilə Azərbaycanın xarici işlər naziri ilə görüşdüyünü xatırladıb.
“Əslində bu görüşlər bir daha sübut etdi ki, münaqişənin sülh yolu ilə həlli, onun siyasi həlli gündəmdədir. Nyu-Yorkdakı görüşlərdə Ermənistanın ATƏT-in Minsk Qrupunun həmsədrləri çərçivəsində Dağlıq Qarabağ münaqişəsinin bütün tanınmış prinsiplər və elementlər əsasında sülh yolu ilə həllinə yenidən başlamağa hazır olduğunu təsdiq etdim", - deyə erməni nazir bildirib.