- Daxili siyasət
- 09:59 25.04.2024
Gorusdan keçməklə alternativ yolun ən qısa zamanda tikiləcəyinə ümid edirik. "Baki-Baku.az" erməni mediasına istinadən xəbər verir ki, bunu İran İslam Respublikasının Ermənistandakı səfiri Abbas Badəxşa Zohuri deyib.
"44 günlük Qarabağ müharibəsindən sonra Ermənistan, Azərbaycan və Rusiya arasında üçtərəfli sülh sazişi əldə edildi. Bundan sonra delimitasiya ilə bağlı danışıqlar başladı. Sovet İttifaqının xəritələrinə görə, Ermənistanın Gorus-Qafan yolunun iki hissəsi Azərbaycana məxsusdur, lakin demarkasiya prosesi başlamazdan əvvəl nəqliyyatın maneəsiz hərəkətinə dair razılıq əldə edilmişdir.
İndi bildiyiniz kimi, Gorus-Qafan yolunun bəzi hissələrində Azərbaycan polisi və sərhədçiləri artıq bir neçə gündür ki, İran mallarını Ermənistana aparan sürücüləri saxlayır və gömrük rüsumu olaraq iranlı sürücülərdən müəyyən məbləğlər alırlar. Azərbaycan xarici avtomobillərin hər giriş və çıxışına görə yol vergisi yığır.
İran tərəfi, səfirlik də daxil olmaqla, problemin ən qısa zamanda həlli üçün səylər göstərir və bundan əvvəl Ermənistan hökumətindən Zəngəzura (Sünik) alternativ yolun ən qısa zamanda salınacağını gözləyirik. Söhbət Tatev yolundan gedir və iranlı sürücülər bu yol boyunca təhlükəsiz şəraitdə yük daşımalarını həyata keçirəcəklər”, - deyə səfir bildirib.